Trwyddedau Microsoft 365 Hwb

Gall holl ddysgwyr, staff ysgol, llywodraethwyr, athrawon cyflenwi mewn ysgolion a gynhelir yng Nghymru Lawrlwytho a gosod yr offer diweddaraf gan Microsoft yn rhad ac am ddim ar hyd at 15 o ddyfeisiau personol drwy Hwb.

Mae hyn yn cynnwys Word, Excel a PowerPoint, yn ogystal â Minecraft Education. Mae hyn hefyd ar gael i ddefnyddwyr Hwb o bartneriaid gwella ysgolion ac awdurdodau lleol.

Rydym am sicrhau bod yr un cyfle gan bob dysgwr ledled Cymru i ennill y sgiliau sydd eu hangen arnynt i ffynnu mewn byd cynyddol ddigidol.

Beth sydd wedi'i gynnwys

Gallwch osod y rhaglenni Microsoft 365 hyn am ddim ar eich dyfeisiau personol (ar hyd at 5 gliniadur neu gyfrifiadur bwrdd gwaith, 5 llechen a 5 ffôn clyfar).

Cyfrifiaduron bwrdd gwaith Windows, Chrome a Mac

Word, Excel, PowerPoint, OneNote, Teams, Outlook, Minecraft Education a llawer mwy.

Llechi a ffonau clyfar

Word, Excel, PowerPoint, OneNote, Teams, Outlook, Minecraft Education a llawer o apiau eraill gan gynnwys Planner, Sway a To-Do.

Gallwch ddefnyddio’r offer cwmwl Microsoft hyn ar unrhyw ddyfais sydd wedi'i galluogi ar gyfer porwr.

Dyfeisiau ysgol

Gellir trwyddedu pob dyfais a ddefnyddir gan aelodau'r staff neu ddysgwyr.

Dysgwyr

• Bydd pob dysgwr yn cael trwydded Microsoft 365 yn awtomatig.

• Pan fydd dysgwr wedi'i nodi fel 'ymadawr' yn System Gwybodaeth Reoli (SIMS, Teacher Centre) yr ysgol, a'r Cleient Darparu wedi'i redeg, bydd y cyfrif yn cael ei analluogi'n awtomatig a'r trwyddedau M365 yn cael eu tynnu.

Staff yr ysgol

• Bydd cyfrifon staff yn cael trwydded Microsoft 365 yn awtomatig yn seiliedig ar y rolau o’r Cyfrifiad Blynyddol o’r Gweithlu Ysgolion (CBGY) a dderbyniwn drwy system MIS yr ysgolion. Defnyddir y rolau hyn i adnabod staff fel penaethiaid, dirprwy benaethiaid neu athrawon.

• Gall aelodau staff nad ydynt yn cael trwydded drwy rôl CBGY barhau i fanteisio ar holl nodweddion Microsoft 365 ar-lein (A1).

• Gall aelodau'r staff na ddyrennir trwydded iddynt barhau i fanteisio ar holl nodweddion Office 365 (A1).

Dyfeisiau personol (defnydd cartref)

• Caniateir gosod fersiynau bwrdd gwaith o Office ar hyd at 5 cyfrifiadur personol neu Mac fesul defnyddiwr trwyddedig.

• Caniateir gosod apiau Office ar hyd at 5 llechen a 5 ffôn fesul defnyddiwr trwyddedig.

Mae Gwasanaeth Rheoli Allweddi yn ymdrin â'r trwyddedau. Mae'r awdurdodau lleol wedi derbyn yr wybodaeth ofynnol er mwyn rhoi cymorth i ysgolion gydag unrhyw ymholiadau.

Bydd defnyddwyr sydd â thrwydded Microsoft A5 yn gallu lawrlwytho Office 365 ar hyd at 5 dyfais bersonol gan gynnwys cyfrifiaduron personol, cyfrifiaduron Mac a dyfeisiau symudol.

Ar eich dyfais gartref:

1. Mewngofnodwch i Hwb ac ewch i Microsoft 365.

2. Cliciwach ar apiau ar ochr chwith y sgrin a dewis y gwymplen Gosod Apiau (yng nghornel dde uchaf y dudalen).  

3. Cliciwch Apiau Microsoft 365.

4. O dan Microsoft 365 Apps, cliciwch Install Microsoft 365.

5. Dilynwch y cyfarwyddiadau ar y sgrin (gall gymryd amser i'w osod, yn dibynnu ar gyflymder y cysylltiad â'r rhyngrwyd).

6. Pan fyddwch wedi'i osod, agorwch ap fel Word a darllenwch a derbyn "Y print mân".

7. Bydd ffenestr naid yn ymddangos yn gofyn ichi ddewis Default File Type. Dewiswch Microsoft Open XML formats: Cliciwch OK.

8. Cliciwch Sign in to get the most out of Microsoft 365 (yng nghornel dde uchaf y dudalen) a rhowch eich enw defnyddiwr a'ch cyfrinair ar gyfer Hwb. Bydd hyn yn cysylltu'r gwasanaethau ychwanegol â Microsoft 365, megis OneDrive.

9. Os ydych chi'n defnyddio Windows 10, mae'n rhaid ichi dderbyn y neges sy'n ymddangos. Efallai y byddwch yn dymuno tynnu'r tic ar Allow my organisation to manage my device a dewis This app only.