Ymchwil i ddysgu sylfaen: Gwerthuso Cwricwlwm i Gymru
Mae cam diweddaraf y gwerthusiad ffurfiannol o Cwricwlwm i Gymru ar y gweill, sy'n cael ei arwain gan Arad a phartneriaid o sefydliadau addysg uwch.
Mae cam hwn yr astudiaeth yn canolbwyntio ar ddysgu sylfaen. Nod Arad yw ymgysylltu ag ysgolion cynradd sydd â darpariaeth feithrin a'r rheini heb ddarpariaeth feithrin er mwyn deall sut mae ysgolion yn cynllunio ac yn cyflwyno dysgu sylfaen sy'n gyson â dyheadau fframwaith Cwricwlwm i Gymru, a sut caiff canllawiau ac adnoddau dysgu proffesiynol eu defnyddio i ategu hyn.
Sut i gymryd rhan
Os hoffech fod yn rhan o'r gwaith ymchwil hwn, pa faint bynnag yw'r cynnydd y mae eich ysgol chi wedi'i wneud o ran gweithredu Cwricwlwm i Gymru, cofrestrwch eich diddordeb drwy lenwi'r ffurflen Microsoft 365 ar-lein.
Am ragor o wybodaeth neu sgwrs anffurfiol, cysylltwch â Brett Duggan yn brett@arad.wales.
