Arweinyddiaeth

I ba raddau y mae gweledigaeth yr ysgol yn dylanwadu ar ei gwaith?

I ba raddau y mae'r arweinwyr yn dylanwadu ar y dysgu a'r addysgu ac yn eu gwella?

I ba raddau y mae'r arweinwyr yn gwneud y canlynol:

• Dylanwadu’n gadarnhaol ar ansawdd yr addysgu er mwyn galluogi'r dysgwyr i wneud cynnydd mewn perthynas â'r pedwar diben as'r egwyddorion cynnydd?

• Defnyddio gwybodaeth asesu er mwyn helpu pob dysgwr i wneud y cynnydd y gallant ei wneud mewn perthynas â'r egwyddorion cynnydd?

• Galluogi'r dysgwyr i ddylanwadu ar eu dysgu a'u profiadau dysgu a datblygu eu heffeithiolrwydd fel dysgwyr?

• Sefydlu a chynnal amgylchedd dysgu ac addysgu cadarnhaol a chynhwysol?

• Sicrhau bod yr ysgol yn hyrwyddo'r Gymraeg a diwylliant Cymru mewn ffordd gadarnhaol?

• Adolygu ansawdd yr addysgu'n rheolaidd er mwyn nodi cryfderau a chyfleoedd i wella (unigolion, adrannau, ysgol gyfan)?

I ba raddau y mae'r arweinwyr yn datblygu'r gweithlu ac yn meithrin diwylliant o gydweithio ac arloesi?

I ba raddau y mae'r arweinwyr yn gwneud y canlynol:

• Meithrin diwylliant o ddysgu proffesiynol sy'n helpu'r ysgol i wireddu ei gweledigaeth ar gyfer dysgu, lles, addysgu a'r cwricwlwm?

• Defnyddio eu gwaith gwerthuso i lywio dysgu proffesiynol?

• Defnyddio dysgu proffesiynol i wella'r dysgu, lles, yr addysgu a'r cwricwlwm?

• Helpu'r staff i nodi beth yw eu hanghenion dysgu proffesiynol, a'u diwallu?

• Datblygu potensial pobl eraill i arwain?

• Annog pobl i ymgymryd â dysgu proffesiynol mewn perthynas ag addysgeg, yn yr ysgol a thu hwnt?

• Gwerthuso effaith eu trefniadau dysgu proffesiynol?

• Hybu a defnyddio arloesedd er mwyn gwella'r dysgu, lles, yr addysgu a'r cwricwlwm?

• Annog arloesedd, ei hwyluso, cymryd rhan ynddo a'i werthuso?

• Herio neu wrthod newidiadau a datblygiadau diangen?

• Cydweithio, ac annog eraill i gydweithio, er mwyn gwella'r dysgu, lles, yr addysgu a'r cwricwlwm?

• Meithrin diwylliant o ddysgu cydweithredol a chyd-barch yn yr ysgol a thu hwnt?

I ba raddau y mae'r arweinwyr yn cefnogi'r staff ac yn defnyddio adnoddau yn effeithiol?

I ba raddau y mae'r arweinwyr yn gwneud y canlynol:

• Cefnogi lles pob aelod o'r staff?

• Sicrhau bod gan y staff yr adnoddau sydd eu hangen arnynt i wneud eu gwaith yn effeithiol? (ychwanegwch haen fanwl yma o amgylch effaith gwariant ar ganlyniadau, trafod gwahanol fathau o adnoddau - corfforol, dynol ac ati)

• Defnyddio adnoddau i wireddu eu gweledigaeth ar gyfer dysgu, lles, addysgu a'r cwricwlwm?

I ba raddau y mae systemau, polisïau a gweithdrefnau yn yr ysgol yn gwireddu gweledigaeth strategol yr ysgol yn effeithiol?

I ba raddau y mae'r arweinwyr yn gwneud y canlynol:

• Sefydlu a defnyddio systemau, polisïau a gweithdrefnau i wireddu eu gweledigaeth ar gyfer dysgu, lles, addysgu a'r cwricwlwm?

• Sefydlu a dilyn polisïau a gweithdrefnau statudol?

• Sefydlu a dilyn prosesau gwerthuso a gwella?

• Cynnwys rhanddeiliaid

• Adolygu eu heffeithiolrwydd eu hunain yn rheolaidd

• Defnyddio'r Safonau Proffesiynol ar gyfer Addysgu ac Arweinyddiaeth er mwyn helpu'r gweithlu i berfformio'n effeithiol?